គុណសម្បត្តិនៃការចិញ្ចឹមត្រីក្នុងស្រែដាំដំណាំស្រូវ?

- Advertisement -

ដីស្រែយើងធ្លាប់តែឃើញគេស្ទូងស្រូវមែនទេ? ចុះបើសិនជាយើងបន្ថែមការចិញ្ចឹមត្រីទៅក្នុងស្រែស្រូវដែរ តើនឹងមានអ្វីកើតឡើង?

អត្រាបរិមាណត្រីធម្មជាតិនៅតាមបឹង ទន្លេពីមួយឆ្មាំទៅមួយឆ្នាំបានធ្លាក់ចុះជាលំដាប់ ដោយសារកំណើននៃតម្រូវការការផ្គត់ផ្គង់។ ហេតុនេះ ទើបក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្តឲ្យកសិករអនុវត្តនូវការចិញ្ចឹមត្រីបន្ថែម ពិសេស​ការ​ចិញ្ចឹម​ត្រី​ក្នុង​ស្រែ។ លើសពីនេះការចិញ្ចឹមត្រីក្នុងស្រែក៏មានសារៈប្រយោជន៍ផ្សេងៗទៀតដែរ​។

ត្រីនិងស្រូវ ផ្ដល់ប្រយោជន៍ឲ្យគ្នាទៅវិញទៅមក​ ដោយស្រូវអាចយកផលពីត្រី ឯត្រីក៏អាចយកផលពីស្រូវដូចគ្នា។ 

តស់ មកដឹងបន្ថែមពីគុណសម្បត្តិនៃការចិញ្ចឹមត្រីក្នុងស្រែ៖

• ចំពោះដំណាំស្រូវ៖​ត្រីជួយកាត់បន្ថយស្មៅ​ និងសត្វល្អិតមួយចំនួននៅក្នុងស្រែ ហើយ​កាកសំណល់របស់ត្រីអាចធ្វើជាជីដែលជួយឲ្យស្រូវមានការលូតលាស់បានល្អ 
• ចំពោះត្រី៖​​​ កាកសំណល់រុក្ខជាតិ និងសត្វល្អិតក្នុងស្រែអាចធ្វើជាចំណីរបស់ត្រី ដែលជួយឲ្យ​កសិករ​កាត់បន្ថយការប្រើប្រាស់ចំណីត្រី ជាពិសេសកសិករដែលមិនមានផ្ទៃដីក្នុងការជីកស្រះក៏អាចចិញ្ចឹមត្រីបាន។
  
• សេដ្ឋកិច្ច៖ កាត់បន្ថយការចំណាយលើការទិញម្ហូបអាហារ​ ជាពិសេសកសិករអាចទទួលបានចំណូលពីរផ្លូវក្នុងពេលតែមួយគឺ​បាន​ទាំង​ស្រូវ និង​ត្រី​។

អត្ថបទដោយ៖ Kakse /កសិ
ប្រភព៖ World fish ​center

- Advertisement -