វៀតណាមនាំចេញកាហ្វេ១,២៣លានតោននៅប្រាំបួនខែដើមឆ្នាំ២០២៥ គិតជាទឹកប្រាក់៦,៩៨ពាន់លានដុលារ កើនឡើង៦១ភាគរយធៀបនឹងឆ្នាំចាស់។ នេះបើតាមការចុះផ្សាយរបស់សារព័ត៌មានវៀតណាមថ្ងៃទី៣ ខែតុលា។
តម្លៃកាហ្វេប្រភេទ Robusta របស់វៀតណាមតាមការគ្រោងទុកនឹងមានតម្លៃ៤២០០ដុល្លារក្នុងមួយតោនលក់នៅអង់គ្លេស ក្នុងខែវិច្ឆិកា និងប្រភេទArabica នឹងត្រូវលក់ចេញ ៨២៥៨ដុល្លារក្នុងមួយតោននៅក្រុងញ៉ូយក សហរដ្ឋអាមេរិក នៅខែធ្នូ។
ការហក់ឡើងតម្លៃកាហ្វេលើទីផ្សារសកលលោកគឺដោយសារការធ្លាក់ចុះថ្លៃប្រាក់ដុល្លារ និងឧបសគ្គនាំចូលកាហ្វេពីប្រេស៊ីល និងឥណ្ឌូនេស៊ីទៅកាន់ផ្សារអាមេរិកដោយសារពន្ធនាំចូលខ្ពស់។
អាកមេរិកដាក់ពន្ធនាំចូល៥០ភាគរយលើទំនិញរបស់ប្រេស៊ីលដែលនេះជាឱកាសមួយសម្រាប់កាហ្វេវៀតណាម អាចលក់ក្នុងតម្លៃទាបជាងកាហ្វេប្រេស៊ីល។
ដូចគ្នាដែរវៀតណាមជាប្រទេសមួយក្នុងចំណោមប្រទេសមួយចំនួនទៀតដែលបានអនុវត្តត្រឹមត្រូវតាមបទដ្ឋានរបស់អឺរ៉ុបចំពោះមុខទំនិញកាហ្វេ ហើយការនាំចូលនឹងអនុវត្តបាននៅចុងឆ្នាំ២០២៦។
អត្ថបទដោយ៖ Kakse/កសិ
ប្រភព៖ VN Express