មូសតែគឺជាសត្វល្អិត ដែលបំផ្លាញស្វាយចន្ទី ដែលអាចបង្កការខូចខាតដល់ទិន្នផលពី២០%-៦០%។ មូសតែនេះគឺជាសត្វល្អិតចោះជញ្ជក់ដ៏គ្រោះថ្នាក់ ដែលបង្កការខូចខាតយ៉ាងខ្លាំងដល់ដំណាំស្វាយចន្ទី។ ទាំងដង្កូវ និងមេអាចបឺតទឹកនៅផ្នែកទន់ៗរបស់រុក្ខជាតិ បង្កឲ្យការខូចខាតកើតឡើងយ៉ាងទូលំទូលាយ។
១. លក្ខណៈនៃការបំផ្លាញ
- ជាសត្វល្អិតប្រភេទជញ្ជក់។
- បំផ្លាញលើផ្នែកទន់ៗដូចជា៖ ត្រួយថ្មី ស្លឹកខ្ចី កញ្ចុំផ្កា និងផ្លែខ្ចី។
- ការចោះបណ្តាលឲ្យមានចំណុចខ្មៅ/ក្រហមត្នោត។
- ត្រួយ និងដើមផ្កាអាចរួញ ស្ងួត ឬងាប់វិញ។
- បណ្ដាលឲ្យ ផ្លែជ្រុះ និងថយចុះទិន្នផល ២០%–៦០%។
- កើតខ្លាំងនៅរដូវចេញត្រួយ–ចេញផ្កា–ជាប់ផ្លែ (វិច្ឆិកា–កុម្ភៈ)។
២. វិធីទប់ស្កាត់ និងការគ្រប់គ្រង
ក. ការថែទាំដំណាំ
- កាត់តម្រឹមមែកឲ្យមានពន្លឺពេញលេញ និងបន្ថយម្លប់។
- ជៀសវាងដាំដំណាំចម្រុះ ដែលជាទីជម្រករបស់មូសតែ (តែ ស្លឹកគ្រៃ ត្រកួន)។
- កុំប្រើជីអាសូតច្រើនពេកនៅរដូវចេញផ្កា។
ខ. ការគ្រប់គ្រងជីវសាស្ត្រ
- ពង្រីកប្រជាករអង្ក្រងដើម្បីស៊ីមូសតែ។
- បាញ់ថ្នាំដើម្បីកម្ចាត់សត្វល្អិត។
គ. ការបាញ់ថ្នាំកសិកម្ម
- បាញ់នៅដំណាក់កាលចេញត្រួយ ចេញផ្កា ចាប់ផ្តើមផ្លែ។
- ថ្នាំប្រឹក្សាជាមួយមន្ត្រីជំនាញកសិកម្មដើម្បីប្រើប្រាស់ថ្នាំត្រឹមត្រូវ
- ត្រូវបាញ់ឲ្យជ្រាបលើស្លឹក និងកញ្ចុំផ្កា និងអនុវត្តតាមកម្រិតអ្នកជំនាញណែនាំ។
ចែករំលែកដោយ៖ សែន តុលា
ប្រភព៖ ឯកសារក្រសួងកសិកម្ម