ការស៊ីស្មៅម្ដងម្កាលគឺជាឥរិយាបទធម្មតា និងជាធម្មជាតិរបស់សត្វឆ្កែ ហើយជាធម្មតាវាមិនមែនជាសញ្ញានៃជំងឺនោះទេ ប៉ុន្តែអាចថាវាកំពុងខ្វះសារជាតិចិញ្ចឹមណាមួយ។ សត្វឆ្កែជាច្រើនស៊ីស្មៅដោយសារតែពួកវាចូលចិត្តរសជាតិ ក៏ដូចជាការទំពាស្មៅ ហើយវាជារឿងធម្មតាសម្រាប់សត្វឆ្កែ ដែលជាសត្វស៊ីសាច់ ក្នុងការស៊ីទាំងរុក្ខជាតិ និងសាច់។ ឥរិយាបថនេះជារឿងធម្មតាជាពិសេសចំពោះសត្វឆ្កែតូចៗ។
សត្វឆ្កែអាចស៊ីស្មៅដោយសារហេតុផលជាច្រើន៖
- ចំណង់ចំណូលចិត្ត៖ សត្វឆ្កែខ្លះចូលចិត្ត។
- ភាពធុញទ្រាន់៖ កង្វះការរំញោចផ្លូវចិត្ត ឬរាងកាយអាចនាំឱ្យស៊ីស្មៅ។
- មិនស្រួលក្រពះ៖ ខណៈពេលដែលសត្វឆ្កែខ្លះក្អួតបន្ទាប់ពីស៊ីស្មៅ ការសិក្សាបង្ហាញថាសត្វឆ្កែភាគច្រើនមិនឈឺមុន ឬក្រោយស៊ីនោះទេ។
- តម្រូវការជាតិជាតិសរសៃ៖ ក្នុងករណីខ្លះ ការស៊ីស្មៅអាចជាប់ទាក់ទងនឹងជាតិសរសៃទាបនៅក្នុងរបបអាហារ ដែលតម្រូវឲ្យសត្វឆ្កែស្មៅស៊ីបន្ថែម។
- ការគ្រប់គ្រងប៉ារ៉ាស៊ីត៖ ស្មៅអាចជួយបញ្ចេញប៉ារ៉ាស៊ីតចេញពីប្រព័ន្ធរំលាយអាហារ។
ចំពោះសត្វឆ្កែដែលមានសុខភាពល្អ និងមានប៉ារ៉ាស៊ីតជាប្រចាំ ការស៊ីស្មៅម្តងម្កាលគឺគ្មានគ្រោះថ្នាក់ទេ។ ទោះជាយ៉ាងណាក៏ដោយ សត្វឆ្កែមិនគួរស៊ីស្មៅនៅកន្លែងដែលគេដាំដុះ ដោយមានបាញ់សារធាតុគីមីទេ។
ម្ចាស់សត្វគួរតែទាក់ទងពេទ្យសត្វ ប្រសិនបើឆ្កែ៖
- ស៊ីស្មៅច្រើនពេក
- ក្អួតជាប្រចាំបន្ទាប់ពីស៊ីស្មៅ
- មិនស៊ីអាហារធម្មតា ឬមើលទៅមិនស្រួលខ្លួន
ប្រសិនបើការស៊ីស្មៅត្រូវបានផ្សារភ្ជាប់ទៅនឹងភាពអផ្សុករបស់វា ការបង្កើនលំហាត់ប្រាណ ការបង្កើនភាពស្វាហាប់ និងការរំញោចផ្លូវចិត្តអាចជួយបាន។ ជារួម ការស៊ីស្មៅម្តងម្កាលគឺជារឿងធម្មតា ប៉ុន្តែអាកប្បកិរិយាស៊ីជាប់លាប់ ឬគួរឱ្យព្រួយបារម្ភគួរតែត្រូវបានត្រួតពិនិត្យដោយពេទ្យសត្វទើបដឹងច្បាស់៕
ដោយ៖ សែន តុលា
ប្រភព៖ Royalkennel Club / Greencross Vets