- Advertisement -
![Advertisement]()
ជាធម្មតាទិន្នផលដំណាំម្នាស់ ឬដំណាំផ្សេងៗអាចទទួលបានតិចឬច្រើនគឺសំខាន់បំផុតលើការថែទាំ ជាពិសេសគឺការពារ និងការកម្ចាត់កត្តាចង្រៃ។ អត្ថបទនេះនឹងរៀបរាប់ឲ្យកសិករយើងដឹងពីជំងឺលើដំណាំម្នាស់ និងវិធីទប់ស្កាត់។
ក. ជំងឺរលួយផ្លែពណ៌ខ្មៅ
- លក្ខណៈបំផ្លាញ
- ផ្លែម្នាស់បាក់ធ្លាក់នៅ ២-៣សប្ដាហ៍មុនពេលទុំ
- ផ្លែរងការបំផ្លាញមានហៀទឹកចេញក្រៅ និងបំភាយឧស្ម័នមានក្លិនជូរ
- វិធីសាស្ត្រទប់ស្កាត់ និងកម្ចាត់
- បន្ទាប់ពីប្រមូលផលរក្សាទុកនៅសីតុណ្ហភាព៩អង្សារសេ
- ប្រើពូជដែលធន់ទ្រាំនឹងជំងឺ។
ខ. ជំងឺរលួយឫស
- លក្ខណៈបំផ្លាញ
- ស្លឹកលូតលាស់យឺត ឬឈប់លូតលាស់ ក្រហមចុងស្លឹក សសៃប្រែជាពណ៌លឿង
- ជួបប្រទះរាំងស្ងួតធ្វើឲ្យដើមប្រែជាពណ៌ក្រហម
- វិធីសាស្ត្រទប់ស្កាត់ និងកម្ចាត់
- លើករងដាំម្នាស់ រៀបចំដីឲ្យបានល្អ និងមានប្រព័ន្ធបញ្ចេញទឹកគ្រប់គ្រាន់។
គ. ជំងឺរលួយបណ្ដូលដោយពពួកផ្សិត
- លក្ខណៈបំផ្លាញ
- ស្លឹកខ្លីមិនលូតលាស់វែង បាត់បង់ជាតិពណ៌បៃតង
- គល់ស្លឹកផ្នែកខាងក្នុងទន់ទៅផ្នែកម្ខាងបណ្ដូល ហើយងាយដកចេញ
- វិធីសាស្ត្រទប់ស្កាត់ និងកម្ចាត់
- រៀបចំប្រព័ន្ធបញ្ចេញទឹកឲ្យបានល្អ
- ប្រើគម្របប្លាស្ទិកគ្របដី
- កុំដាំកូនម្នាស់ជ្រៅពេក
- ប្រើពូជដែលធន់ទ្រាំនឹងជំងឺ៕
អត្ថបទដោយ៖ សែន តុលា
ប្រភព៖ ឯកសារក្រសួងកសិកម្ម
- Advertisement -
![Advertisement]()