គោគឺជាសត្វចិញ្ចឹមមួយប្រភេទដែលធន់នឹងអាកាសធាតុ។ ទោះជាយ៉ាងណា ថ្វីបើធន់បែបនេះក្ដី ការប្រែប្រួលអាកាសធាតុតាមរដូវប៉ះពាល់សុខភាពរបស់គោ។ ខាងក្រោមជាវិធីងាយៗមួយថែទាំគោទាំងនោះនៅរដូវប្រាំងនិងរដូវវស្សា។
១. នារដូវប្រាំង
គោប្រភេទខ្លះស៊ីចំណីតិចជាងសព្វដង។ មូលហេតុចម្បងមួយគឺដោយសារគោស្ត្រេសដោយសារតែអាកាសធាតុក្ដៅ។ អាការៈស្ត្រេសនេះ ធ្វើឲ្យគោមិនសូវឃ្លាន និងស៊ីចំណីតិច។ បើថែទាំមិនដិតដល់ ច្បាស់ណាស់សុខភាពគោនឹងថមថយ ឈានដល់មានជំងឺផ្សេងៗទៀតផង។ ណាមួយ ស្មៅដែលជាចំណីគោជាប្រចាំនោះក៏បាត់ប្រូតេអ៊ីន ជាតិរ៉ែ និងថាមពលផ្សេងៗទៀតដែរនៅពេលអាកាសធាតុក្ដៅខ្លាំង។
ដូច្នេះ វិធីមួយ គឺរៀបចំចំណីបំពាក់បំប៉នឲ្យគោដើម្បីផ្ដល់សារជាតិចិញ្ចឹមចាំបាច់ដល់គោដូចជា ប្រូតេអ៊ីន និងរ៉ែ។ ការធ្វើបែបនេះ អាចជួយមួយកម្រិតដល់លំនឹងរបបអាហាររបស់គោ។
២. ដូវវស្សា
សុខភាពរបស់គោប្រឈមនឹងបញ្ហាផ្សេងដូចគ្នា។ បញ្ហាចម្បងមួយគឺ ថ្វីបើស្មៅដុះលូតលាស់ល្អ ហើយមានជីវជាតិជាងរដូវប្រាំងមែន តែបរិយាកាសទូទៅនៅជុំវិញទីទួលដាំស្មៅ ច្រើនមានទឹកដក់ និងភក់ជ្រាំច្រើន។ ដោយសំបូរទៅដោយមេរោគជាច្រើន ទឹកដក់ ភក់ជ្រាំ អាចបង្កហានិភ័យជំងឺដល់គោ។
ហេតុនេះ វិធីមួយក្នុងការថែទាំ គឺរៀបចំទីទួលដាំស្មៅ ឲ្យមានលក្ខណៈស្រឡះ ហើយមានទឹកដក់ និងភក់កាន់តែតិចកាន់តែប្រសើរ។ ក្នុងករណីពិបាកក្នុងការអនុវត្តវិធីនេះ មួយជម្រើសទៀត គឺត្រៀមចំណីផ្សេងទៀតដែលមានជីវជាតិឲ្យគោស៊ីឲ្យបានច្រើន និងបន្ថយចំណីស្មៅ ជាស្មៅដែលសើមខ្លាំង។
អត្ថបទដោយ៖ សែន តុលា
ប្រភព៖ Natural Remedies