ពេលដែលនិយាយទៅដល់សត្វឃ្មុំ យើងនឹងនឹកឃើញទៅដល់ទឹកឃ្មុំដ៏ផ្អែមឈ្ងុយឆ្ងាញ់។ ឃ្មុំដែលកំពុងផលិតទឹកឲ្យយើងប្រើប្រាស់សព្វថ្ងៃ ត្រូវបានគេចាត់ទុកថាជាសត្វនាំលម្អងមួយដ៏សំខាន់ក្នុងវិស័យកសិកម្ម។ ប៉ុន្តែមានឃ្មុំមួយប្រភេទទៀត ឈ្មោះថា Mason Bees ដែលជាប្រភេទឃ្មុំមិនយកទឹកតែមានសមត្ថភាពនាំលំអងល្អជាងឃ្មុំផលិតទឹងបានជាង១០០ដង។
ឃ្មុំប្រភេទនេះច្រើនរស់នៅតាមវាលខ្សាច់ វាលស្មៅ និងក្នុងព្រៃ តែមិនផលិតទឹកឃ្មុំទេ ហើយវាធ្វើការតែឯង មិនធ្វើការជាហ្វូងដូចឃ្មុំយកទឹកនោះដែរ។ រីឯទីជម្រករបស់វាគឺមាននៅតាមរន្ធក្រោមដីដោយវាយកដីឥដ្ឋឬភក់មកបិទមុខរន្ធរបស់វា ឬនៅតាមរន្ធឈើ ជាដើម។ ឃ្មុំប្រភេទនេះក៏ត្រូវបានគេចិញ្ចឹមដើម្បីបម្រើឲ្យការនាំលំអងនៅក្នុងកសិដ្ឋានដំណាំផងដែរ។
កសិដ្ឋានមួយចំនួននៅប្រទេសអ៊ីស្រាអ៊ែល បានចិញ្ចឹមឃ្មុំប្រភេទនេះដើម្បីធ្វើដំណើរការលំអងដំណាំប្លូបឺរីក្នុងផ្ទះសំណាញ់។ នៅពេលដែលត្រូវការឲ្យវាដំណើរលំអង គេយកសំបុកឃ្មុំនេះទៅដាក់ក្នុងផ្ទះសំណាញ់ដែលគេចង់ឲ្យវាធ្វើការដំណើរលំអង រួចនៅពេលដែលវាធ្វើដំណើរលំអងរួច វាក៏ត្រលប់ចូលក្នុងសំបុករបស់វាវិញដោយខ្លួនឯង។
ក្នុងផ្ទៃដី៤ ០០០ម៉ែត្រការ៉េ ត្រូវការឃ្មុំញីប្រភេទនេះចន្លោះពី២៥០ទៅ៣០០ក្បាលប៉ុណ្ណោះក្នុងការធ្វើដំណើរការលម្អង ហើយឃ្មុំប្រភេទនេះធ្វើដំណើរលម្អងបានប្រសិទ្ធភាពខ្ពស់ជាងឃ្មុំយកទឹកដល់ទៅ១២០ដង។ Mason Bees មានប្រហែល១៥០ប្រភេទនៅអាមេរិកខាងជើង និងជាប្រភេទឃ្មុំដែលកម្រងនឹងទិចណាស់។
ប្រភព៖ BBC