ឃុំបានដើរតួសំខាន់ក្នុងការជួយជំរុញទិន្នផលដំណាំកសិកម្មតាមរយៈដំណើរការរោយលម្អងរបស់ពួកវា។ ឃ្មុំញីដើរប្រមូលទឹកដមផ្កា និងលម្អងពីផ្កាទាំងឡាយ ហើយក្នុងដំណើរការនេះឃ្មុំបាននាំយកលម្អងពីផ្កាមួយទៅផ្កាមួយទៀត ដែលការណ៍នេះបានជួយដល់ការបន្តពូជរបស់ដំណាំ។
បន្លែ និងដំណាំហូបផ្លែជាច្រើនមុខបានពឹងផ្អែកលើដំណើរការនៃការរោយលម្អងរបស់ឃ្មុំដើម្បីអាចចេញបានផ្លែផ្កាច្រើន និងមានគុណភាព។ មានការវាយតម្លៃថាបើសិនជាមិនមានដំណើរការរោយលម្អងរបស់ឃ្មុំទេ ទិន្នផលដំណាំលើពិភពលោកនឹងត្រូវខាតបង់ប្រហែល៥ទៅ៨ភាគរយ។ បើតាមការវាយតម្លៃរបស់ក្រសួងកសិកម្មអាមេរិក សត្វឃ្មុំបានជួយដល់វិស័យកសិកម្មរបស់ប្រទេសនេះផ្នែកទិន្នផលដំណាំក្នុងរង្វង់១៥ពាន់លានដុល្លារ។
ក្រៅពីជួយដល់ដំណាំក្នុងវិស័យកសិកម្ម ឃ្មុំក៏បានរួមចំណែកច្រើនទៀតក្នុងវិស័យសេដ្ឋកិច្ច នៅសហរដ្ឋអាមេរិកក្នុងឆ្នាំ២០១៩ ចំណូលបានទឹកឃ្មុំមានចំនួន៣៣៩លានដុល្លារ។ បន្ថែមពីទឹក ក្រមួនឃ្មុំក៏ត្រូវបានគេជួយដូរជាសកលតាំងពីបុរាណមកម៉្លេះ ដោយគេយកទៅប្រើសម្រាប់ធ្វើទៀន និងជាគ្រឿងផ្សំក្នុងគ្រឿងសម្អាងផងដែរ។
យ៉ាងណា បច្ចុប្បន្នចំនួនសត្វឃ្មុំនៅទូទាំងពិភពលោកកំពុងរងការគំរាមកំហែងពីការបាត់បង់ទីជម្រក រងគ្រោះព្រោះថ្នាំពុលផ្សេងៗ ជំងឺ និងការប្រែប្រួលអាកាសធាតុ។ ការធ្លាក់ចុះនៃចំនួនសត្វឃ្មុំអាចធ្វើឲ្យមានផលអវិជ្ជមានច្រើនលើវិស័យកសិកម្ម។ ការរួមគ្នាអភិរក្សថែរក្សា និងការពារសត្វឃ្មុំជាគន្លឹះដ៏សំខាន់ក្នុងការធានានូវដំណើរការល្អរបស់ប្រព័ន្ធអេកូឡូស៊ី និងនិរន្តភាពផលិតកម្មអាហាររបស់ពិភពលោក។
នៅមានសត្វអ្វីទៀត ដែលមានប្រយោជន៍ចំពោះវិស័យកសិកម្ម? ចែករំលែកចំណេះដឹងបងប្អូនជាមួយកសិ/Kaske។
ប្រភព៖ European Parliament, FDA